قام عددمن النشطاء السياسين المعتصمين بميدان سعد زعلول بمحطة الرمل بالاسكندرية ، بعمل ورقة افكار وطبعها وتوزيعها والتحاور مع المواطنين الرافضين لفكرة الاعتصام ، وقاموا بشرح معني الاعتصام ووصف جدية الاعتصام السلمي ومدي تاثيره في صنع القرار السياسي لتحقيق مطالب الثورة وكانت لورقة تنص علي :
هوه لوأحنا بلطجية هنبقي قاعدين علشان :
· نجيب حق شهدائنا من اللي قتلهم مش فلوس وبس محاكمات كمان.
· نعالج المصابين اللي لسه بيموتوا من اإلاهمال في المستشفيات بدل ما نعالج مبارك في شرم بإستشاري ألماني.
· وائل الكومي اللي قتل 17 واحد من اللي بيقولوا عليهم بلطجية من ضمنهم بنت عندها 12 سنة اسمها اميرة اتقتلت في بيتها هيه كمان بلطجية !؟؟؟ وائل الكومي رقوه وودوه مباحث الكهرباء ووصل مرتبه 8 الاف جنيه .
· خالد شلبي ( خالد اركب ) بقي حكمدار اسكندرية!!!!!!!!! ،خالد غرابه( خالد خرابه) صاحب مجزرة المحلة وتعذيب المتظاهرين في 2008 بقي مدير أمن الاسكندرية .
· نشغل قانون الغدر ونعرف نحسابهم علي البهدله اللي بهدلوها للبلد مش سرقة كام الف جنيه بس اللي بيطلعوهم منها براءة.
· وكمان احنا بنطالب بحد أدني للأجور 1200 جنيه وده حقي وحقك ليه ؟؟؟؟ لان في ضابطورئيس شركة قطاع عامولواء بياخدوا 400 ألف جنيه والعامل بياخد 400 جنيه .
· وكمان فين فلوس المعاش 12% اللي بعد ما قالوا عليها لغوها
· وعاوزين نرجع فلوسنا اللي هربوها بره البلد .
· وعاوزين غازنا وكهربتنا وبنزينا اللي بيتقطعوا عنا في عز الحر وبندفع فاتورتنا كبيرة واسرائيل منوره علي حسابنا .
· نلغي المحاكمات العسكرية لإخواتنا اللي بدل ما يطبقوها علي مبارك مع إنه عسكري بيطبقوها علي المدنين .
احنا علشان كده معتصمين، إانت بقي مش معتصم ليه؟
· أخدت حق شهيدك؟
· المصابين اتعالجوا ؟
· حاكمت اللي ظلمك؟
· حاكمت اللي سرقك؟
· رجعتلك فلوسك ؟
· الخضر مفيهوش كيماوي؟
· كيلو السكر رخص؟
· وظفت عيالك؟
· مبقاش في كوسه ؟
· لقيت شقة؟
· عارف تتعالج ؟
· عارف تصيف؟
هو انته مش مصري
لو مصري بجد انزل يوم الجمعة 29 يوليو وقول كلمتكعرفهم إنك لسه عايش مامتش.
المشاركات
.jpg)
ليست هناك تعليقات:
إرسال تعليق