لا تخلو حياتنا أبدًا من المواقف الطريفة، مواقف قد تضحكنا لدرجة البكاء، والعلاقات الزوجية كانت ولا تزال تربة خصبة للفكاهة، فمن منا لم يسقط من كثرة الضحك أمام "الشقة من حق الزوجة" أو "هو وهي"، لهذا نقدم لكم حوار بسيط بين زوج وزوجة مصرية في القرن 21 هو: حبيبتي أنا حأطلب بيتزا، عايزة حاجة؟ هي: لا ياحبيبي هو: اوكي هي: ولا أقولك هو: ها، أطلبلك كمان؟ هي: مش عارفة هو: مش عارفة إذا كنتي عايزة؟ هي: لا هو: أنتي جعانة؟ هي: يعني هو: يعني إيه يعني؟ هي: يعني مش متأكدة إذا كنت جعانة ولا لأ هو: الواحد لما بيكون جعان بيعرف هي: لأ بس يمكن أجوع بعدين هو: يعني أطلب لك بيتزا؟ هي: طيب وإذا ما كنتش جعانة وقتها؟ هو: ما تاكليش هي: بس ده كدة يبقى تبذير هو: خلاص، تبقي تاكليها بكرة هي: وإذا ما كانش لي نفس آكل بيتزا بكرة؟ هو: مش محتاجة نفس، الواحد عادي ممكن ياكل بيتزا كل يوم هي: أنا لا.. أنا مش باكل بيتزا إلا لما يكون عندي نفس للبيتزا هو: طيب بلاش، أطلب لك حاجة تانية؟ هي: بس أنا مش عايزة حاجة تانية هو: يعني عايزة بيتزا؟ هي: لا هو: يعني مش عايزة حاجة؟ هي: لأ برضه هو: جننتيني، طب أعمل إيه؟ هي: اطلب أنت لنفسك هو: الحمد لله، أخيرًااااااا.. ماشي هي: بس أطلب بيتزا بالتونة هو: نعم؟ أنا مش بحب البيتزا التونة هي: بس أنا بحبها هو: وأنتي مالك؟ هو أنا هأطلب ليا ولا ليكي هي: ليك طبعًا هو: طيب أطلبها ليه بقى بالتونة؟ هي: يمكن أجوع لما يوصل الأكل هو: وبعدين؟ هي: ياسلام، يعني تفتكر آكل حاجة مش عاجباني؟ هو: ليه هو أنتي.. أصلًا.. عايزة تاكلي؟ هي: ليه لأ؟ هو: يامثبت العقل في الدماغ .. هو أنا حاطلب بيتزا ليا، عشان احتمال أنتي تاكليها إذا كنتي جعانة؟! هي: بالضبط هو: وأنا بلاش آكل؟ هي: يمكن وقتها أكون مش جعانة محكمة الجنايات قررت تبرئة الزوج من تهمة قتل الزوجة مع سبق الإصرار والترصد، وتحويل التهمة إلى قتل الزوجة دفاعًا عن العقل.
المشاركات
.jpg)
ليست هناك تعليقات:
إرسال تعليق